కొత్త సచివాలయ నిర్మాణం..జోక్యానికి సుప్రీం నో

కాంగ్రెస్ ఎమ్మెల్సీ జీవన్ రెడ్డికి సుప్రీంకోర్టులో చుక్కెదురు అయింది. తెలంగాణలో సచివాలయం కూల్చివేత, కొత్త సచివాలయం నిర్మాణానికి సంబంధించి హైకోర్టు గతంలో ఇచ్చిన ఆదేశాలపై స్టే ఇవ్వాలని కోరుతూ ఆయన సుప్రీంకోర్టులో పిటీషన్ దాఖలు చేశారు. ఈ కేసు విచారణ సందర్భంగా రాష్ట్ర హైకోర్టు తీర్పులో జోక్యం చేసుకోబోమని..కొత్త సచివాలయ నిర్మాణం ప్రభుత్వ విధానం నిర్ణయం అని పేర్కొంది. జీవన్ రెడ్డి పిటీషన్ ను డిస్మిస్ చేసింది. జస్టిస్ అశోక్ భూషణ్ తో కూడిన త్రిసభ్య ధర్మసనం ఈ కేసును విచారణ చేపట్టింది. ఈ అంవంపై ఇప్పటికే హైకోర్టు సమగ్ర విచారణ జరిపినట్లు అభిప్రాయం వ్యక్తం చేసింది.