Publisher is the useful and powerful WordPress Newspaper , Magazine and Blog theme with great attention to details, incredible features...

సుశాంత్ సింగ్ కేసులో కీలక మలుపు

0

బాలీవుడ్ హీరో సుశాంత్ సింగ్ మరణానికి సంబంధించిన కేసులో మంగళవారం నాడు కీలక పరిణామం చోటుచేసుకుంది. సుశాంత్ ఆత్మహత్య చేసుకుని చనిపోయాడని నివేదికలు అందినా ఈ వ్యవహారంపై సీబీఐ దర్యాప్తు చేయాలని డిమాండ్ పలువురి నుంచి వస్తోంది. అంతే కాదు..సుశాంత్ మరణం బాలీవుడ్ లో బంధుప్రీతికి సంబంధించి పెద్ద దుమారమే రేపుతోంది. ఈ తరుణంలో సుశాంత్‌ మృతిపై ఆయన తండ్రి కృష్ణకుమార్‌ సింగ్‌ పోలీసులను ఆశ్రయించారు. ఆయన చేసిన ఫిర్యాదు ఆధారంగా సుశాంత్‌ స్నేహితురాలు రియా  చక్రవర్తిపై పాట్నాలోని రాజేంద్రనగర్‌ పోలీస్  స్టేషన్‌లో కేసు నమోదు అయింది.

- Advertisement -

కేకే సింగ్‌ ఫిర్యాదు మేరకు పోలీసులు రియాతో పాటు, మరో ఐదుగురి మీద కూడా పలు సెక్షన్‌ల కింద కేసు నమోదు చేశారు.  అదే సమయంలో నలుగురు పోలీసులతో కూడిన ప్రత్యేక బృందాన్ని ఈ కేసుపై విచారణ జరిపేందుకు ముంబయ్ కు పంపారు. మరోవైపు రియా చక్రవర్తి కూడా సుశాంత్‌ మృతిపై సీబీఐ విచారణ జరిపించాలని కోరుతున్న సంగతి తెలిసిందే. ఈ మేరకు కేంద్ర హోంమంత్రి అమిత్‌ షాకు ఆమె సోషల్‌ మీడియా వేదికగా విజ్ఞప్తి కూడా చేశారు. అంతేకాకుండా సుశాంత్‌తో తన జ్ఙాపకాలను పలుమార్లు సోషల్‌ మీడియా వేదికగా అభిమానులతో పంచుకున్నారు.

 

Leave A Reply

Your email address will not be published.