మాస్క్ ల సరఫరాలోనూ స్కామ్

వైసీపీ సర్కారుపై తెలుగుదేశం అధినేత చంద్రబాబునాయుడు తీవ్ర విమర్శలు చేశారు. మాస్క్ ల తయారీలోనూ వైసీపీ స్కామ్ లు చేస్తోందని ఆరోపించారు. 108 అంబులెన్స్ ల్లో 307 కోట్ల రూపాయల స్కామ్ చేశారు. అంబులెన్స్ ల కాంట్రాక్ట్ ఇచ్చిన కంపెనీ విజయసాయిరెడ్డి అల్లుడిది కాదా?. సరస్వతి పవర్ మీ సొంత కంపెనీ అవునా..కాదా? అని చంద్రబాబు ప్రశ్నించారు.

చంద్రబాబు మంగళవారం నాడు పార్టీ నేతలతో నిర్వహించిన ఆన్ లైన్ సమావేశంలో ఈ వ్యాఖ్యలు చేశారు. కరోనా సమయంలో సర్కారు కుంభకోణాలు, వేధింపులు ఆపటంలేదన్నారు. ఏపీలో పోలీసు రాజ్యం నడుస్తోందని కేంద్ర హోం శాఖ సహాయ మంత్రి కిషన్ రెడ్డి స్వయంగా ప్రకటించారు. రాష్ట్రంలో వైసీపీ అరాచకాలకు ఇంత కంటే సాక్ష్యాలు ఏమి కావాలని ప్రశ్నించారు.