తెలంగాణ కేబినెట్ ఏప్రిల్ 19న

లాక్ డౌన్ మినహాయింపులు ఏప్రిల్ 20 నుంచి అమల్లోకి రానున్న తరుణంలో తెలంగాణ మంత్రివర్గ సమావేశం ఏప్రిల్ 19న జరగనుంది. ముఖ్యమంత్రి కెసీఆర్ అధ్యక్షతన జరిగే ఈ మంత్రివర్గ సమావేశంలో ఆ రోజుకు తెలంగాణలో ఉండే కరోనా కేసులు..పరిస్థితిని సమీక్షించి మినహాయింపుల విషయంలో ఓ నిర్ణయం తీసుకోనున్నారు. కేంద్రం ఇచ్చిన మినహాయింపుల ప్రకారమే ముందుకు వెళ్లాలా?. లేక రాష్ట్రంలోని పరిస్థితిని బట్టి నిర్ణయం తీసుకోవాలా అనే అంశంపై మంత్రివర్గ సమావేశంలో ఓ అంచనాకు వచ్చే అవకాశం ఉందని సమాచారం.

తెలంగాణ సర్కారు ఇప్పటికే ఏప్రిల్ 30 వరకూ లాక్ డౌన్ పొడిగిస్తూ నిర్ణయం తీసుకుంటే..ప్రధాని మోడీ మాత్రం లాక్ డౌన్ ను మే 3 వరకూ ప్రకటించారు. ఈ నెల 20 వరకూ లాక్ డౌన్ ను కఠినంగా అమలు చేయనున్నట్ల కెసీఆర్ ప్రకటించిన విషయం తెలిసిందే. ప్రస్తుతం తెలంగాణాలో మొత్తం కరోనా కేసుల సంఖ్య 650కి చేరింది. బుధవారం నాడు కొత్తగా ఆరు కేసులు వచ్చాయి.