విజయ్ దేవరకొండ..పూరీ సినిమా స్టార్ట్

‘ఫైటర్’ సినిమా షూటింగ్ మొదలైంది. ఈ సినిమాకు పూరీ జగన్నాథ్ దర్శకత్వం వహిస్తుండగా..విజయ్ దేవరకొండ హీరోగా నటిస్తున్నారు. వీరిద్దరి కాంబినేషన్ లో వస్తున్న తొలి సినిమా ఇది. ఛార్మి కౌర్ ఈ సినిమాకు సహ నిర్మాతగా వ్యవహరించనున్నారు. ఈ సినిమా కోసం విజయ్‌ దేవరకొండ థాయ్‌లాండ్‌లో మిక్డ్స్‌ మార్షల్‌ ఆర్ట్స్‌ లో శిక్షణ తీసుకున్నాడు. సోమవారం నాడు ఈ సినిమా షూటింగ్‌ సోమవారం ముంబయ్ లో ప్రారంభమైంది. ఇందుకు సంబంధించిన పూజా కార్యక్రమాల్లో విజయ్‌, పూరి జగన్నాథ్‌, చార్మి పాల్గొన్నారు.

పూరి కనెక్ట్‌ బ్యానర్‌పై పూరి జగన్నాథ్, చార్మిలతో కలిసి కరణ్ జొహార్ ఈ సినిమాను నిర్మిస్తున్నారు. ఈ సినిమాను తెలుగుతో పాటు హిందీలో కూడా తెరకెక్కిస్తున్నారు. ఈ చిత్రంలో విజయ్‌ సరసన అనన్య పాండే హీరోయిన్‌గా నటిస్తుందని ప్రచారం జరుగుతోంది. అయితే దీనిపై అధికారిక ప్రకటన వెలువడాల్సి ఉంది. తొలుత శ్రీదేవి కూతురు జాన్వి కపూర్ పేరు ప్రచారం జరిగినా..ఇప్పుడు మాత్రం అనన్య పాండే పేరు తెరపైకి వచ్చింది.