అమరావతి గ్రామాల్లో పవన్ కళ్యాణ్ పర్యటన

జనసేన అధినేత పవన్ కళ్యాణ్ మంగళవారం నాడు రాజధాని అమరావతి గ్రామాల్లో పర్యటించనున్నారు. రాజధాని కోసం తాము భూములు ఇచ్చినందున ఇక్కడే అమరావతిని అభివృద్ధి చేయాలని కోరుతూ రైతులు గత కొన్ని రోజులుగా ఆందోళనలు చేస్తున్న విషయం తెలిసిందే. ఈ తరుణంలో పవన్ కళ్యాణ్ మంగళవారం ఉదయం ఎనిమిది గంటలకు రాజదాని గ్రామాల్లో పర్యటించాలని నిర్ణయించినట్లు జనసేన తెలిపింది.

వైసీపీ ప్రభుత్వం ఈ భూముల్లో కొత్తగా ఎలాంటి నిర్మాణాలు చేపట్టడానికి ఆసక్తి చూపటం లేదు. అదే సమయంలో ఎగ్జిక్యూటివ్ క్యాపిటల్ ను విశాఖపట్నానికి తరలించాలని ప్రతిపాదించారు. అమరావతిలో కొత్తగా చేపట్టే నిర్మాణాలు కూడా మంగళగిరి మార్గంలో హైవేకు ఆనుకుని ఉన్న ప్రభుత్వ భూముల్లోనే చేపట్టనున్నారు.. ఈ తరుణంలో భూములు ఇచ్చిన రైతులు పరిస్థితి ఏంటి?. వారిని ప్రభుత్వం ఎలా ఆదుకుంటుంది అనే అంశంలో ఇంకా స్పష్టత రావాల్సి ఉంది.