నవయుగాకు జగన్ సర్కారు మరో షాక్

ఏపీలోని జగన్మోహన్ రెడ్డి సర్కారు నవయగాకు మరో షాక్ ఇఛ్చింది. నవయుగ గ్రూప్ నకు చెందిన కృష్ణపట్నం ఇన్ ఫ్రాటెక్ కు నెల్లూరు జిల్లాలో కేటాయించిన వేల ఎకరాల భూ కేటాయింపులను రద్దు చేస్తూ నిర్ణయం తీసుకుంది. ఈ మేరకు ఆంధ్రప్రదేశ్ పారిశ్రామిక మౌలికసదుపాయాల కల్పనా సంస్థ (ఏపీఐఐసీ) నిర్ణయం తీసుకుంది. కారు చౌకగా భూములు దక్కించుకుని సంవత్సరాలు గడిచినా ప్రాజెక్టులో ఎలాంటి పురోగతి లేకపోవటంతో ఏపీఐఐసీ ఈ నిర్ణయం తీసుకుంది.

4731 ఎకరాల భూమిని కృష్ణపట్నం ఇన్ ఫ్రాటెక్ ప్రైవేట్ లిమిటెడ్ నుంచి వెనక్కి తీసుకుంటున్నట్లు తెలిపారు. కాంగ్రెస్ ప్రభుత్వం ఈ సంస్థకు ఎకరా 1.15 లక్షల రూపాయల లెక్కన కేటాయింపులు చేసింది. ప్రాజెక్టును నిర్దేశిత గడువు ప్రకారం పూర్తి చేయకపోవటంతోపాటు ఎన్ని నోటీసులు ఇఛ్చినా కంపెనీ సకాలంలో స్పందించపోవటంతో సర్కారు ఈ నిర్ణయం తీసుకుంది.