Publisher is the useful and powerful WordPress Newspaper , Magazine and Blog theme with great attention to details, incredible features...

జగన్ సంచలన నిర్ణయం

0

ఆంధ్రప్రదేశ్ ముఖ్యమంత్రి జగన్మోహన్ రెడ్డి సంచలన నిర్ణయం తీసుకున్నారు. 2014-19 సంవత్సరాల మధ్య కాలంలో ఆత్మహత్య చేసుకుని చనిపోయిన రైతు కుటుంబాలకు  ఏడు లక్షల రూపాయల నష్టపరిహారం అందజేయాలని నిర్ణయించారు. కలెక్టర్లు..ఎమ్మెల్యేలతో కలసి స్వయంగా వెళ్ళి ఈ సాయం అందించాలని ఆదేశించారు. స్పందన కార్యక్రమంపై జిల్లా కలెక్టర్లు..ఉన్నతాధికారులతో సమీక్ష నిర్వహించిన సమయంలో జగన్ ఈ సంచలన నిర్ణయం తీసుకున్నారు. గత ఐదేళ్లలో రాష్ట్రంలో 1513 మంది రైతులు చనిపోతే..అందులో కేవలం 391 మందికి మాత్రమే సాయం చేశారని తెలిపారు. మిగిలిన రైతులకు కూడా కుటుంబానికి ఏడు లక్షల రూపాయల లెక్కన సాయం అందజేయాలని ఆదేశించారు.

- Advertisement -

జిల్లా కలెక్టర్లు తమ తమ జిల్లాలోని లెక్కలను ఓ సారి సరిచూసుకుని ఈ సాయం అందించాలని సూచించారు. గత ప్రభుత్వం కొంత మందికే సాయం చేసి..మిగిలిన వారిని వదిలేసిందని అన్నారు. కుటుంబానికి పెద్ద దిక్కు అయిన రైతే చనిపోయిన తర్వాత ఆ కుటుంబానికి ఎవరు అండగా ఉంటారు..ఖచ్చితంగా ప్రభుత్వం తరపున ధైర్యం ఇవ్వాల్సిన అవసరం ఉందని జగన్ వ్యాఖ్యానించారు. జగన్ తాజా నిర్ణయంతో ఏపీలో ఆత్మహత్యలు చేసుకున్న  రైతు కుటుంబాలకు సుమారు వంద కోట్ల రూపాయల మేర సాయం అందనుంది. రైతులు..కౌలు రైతులకు ఏ కష్టం వచ్చినా కలెక్టర్లు వెంటనే స్పందించాలని జగన్ ఆదేశించారు.

 

 

 

 

Leave A Reply

Your email address will not be published.