Publisher is the useful and powerful WordPress Newspaper , Magazine and Blog theme with great attention to details, incredible features...

నియోజకవర్గానికి కోటి..చంద్రబాబుకూ ఇస్తాం

0

ఆంధ్రప్రదేశ్ ముఖ్యమంత్రి జగన్మోహన్ రెడ్డి గురువారం నాడు అసెంబ్లీలో పలు కీలక ప్రకటనలు చేశారు. నియోజకవర్గాల్లో తాగునీటి సమస్యతోపాటు ఇతర సమస్యల పరిష్కారానికి నియోజకవర్గానికి కోటి రూపాయలు మంజూరు చేస్తామన్నారు. ఈ నిధులు ప్రతిపక్ష నేత చంద్రబాబునాయుడికి కూడా కేటాయిస్తామన్నారు. అధికారపక్షం..ప్రతిపక్ష ఎమ్మెల్యేలు అందరికీ ఈ నిధులు విడుదల  చేస్తామని చెప్పారు. ముఖ్యమంత్రి అభివృద్ధి నుంచి ఈ నిధులు మంజూరు చేస్తామని  తెలిపారు. ఈ అంశంపై జగన్ ప్రకటన చేసిన సమయంలో కొద్దిసేపు ఆసక్తికరమైన సంవాదం చోటుచేసుకుంది. తాము ప్రతిపక్షంలో ఉండగా..చంద్రబాబును కలసి నిధులు కేటాయించాల్సిందిగా కోరినా ప్రతిపక్ష ఎమ్మెల్యేలకు ఇచ్చేదిలేని చెప్పారని ఆరోపించారు.

- Advertisement -

కానీ ఇఫ్పుడు తమ సీఎం జగన్ స్వయంగా సభలో ప్రతిపక్ష నేత తోపాటు ఆ పార్టీ ఎమ్మెల్యేలు అందరికీ కేటాయిస్తామన్నారని చెప్పారని..దీనికి కనీసం చంద్రబాబు ధన్యవాదాలు చెప్పాలని వ్యాఖ్యానించారు. దీనిపై స్పందించిన చంద్రబాబు ఓ ఎస్టీ ఎమ్మెల్యేను రైతు దినోత్సవానికి రాకుండా అడ్డుకున్నారని..దీనికి క్షమాపణ చెపితే తాము అభినందనలు తెలుపుతామని వ్యాఖ్యానించారు. సాక్ష్యాత్తూ ఎమ్మెల్యేలను బెదిరించాలని చూస్తారా? అని చంద్రబాబు వ్యాఖ్యానించారు. ఈ తరుణంలో అధికార పార్టీ సభ్యులు టీడీపీపై విమర్శలు గుప్పించారు.  ఈ తరుణంలో కొద్దిసేపు ఇరు పార్టీల నేతల మధ్య వాగ్వాదం చోటుచేసుకుంది.

 

Leave A Reply

Your email address will not be published.