దుమ్మురేపుతున్న ‘మహర్షి’ టీజర్

మహేష్ బాబు దుమ్మురేపుతున్నాడు. టీజర్ తో నే రికార్డులు బద్దలు కొడుతున్నాడు. మహేష్ బాబు 25వ సినిమానే ‘మహర్షి’. టీజర్ విడుదలైన 12 గంటల లోపే 10 మిలియన్ల(కోటి)కు పైగా వ్యూస్‌ సాధించి ఆల్‌టైం రికార్డ్ సృష్టించింది. ఇప్పటి వరకు ఈ టీజర్‌ 12.5 మిలియన్లకు పైగా వ్యూస్‌ సాధించినట్టుగా చిత్రయూనిట్ అధికారికంగా ప్రకటించింది. వంశీ పైడిపల్లి దర్శకత్వంలో తెరకెక్కకుతున్న ఈ సినిమాను దిల్‌ రాజు, అశ్వనీదత్‌, పీవీపీలు సంయుక్తంగా నిర్మిస్తున్నాయి. భారీ అంచనాల మధ్య ప్రేక్షకుల ముందుకు వచ్చిన టీజర్‌ యూట్యూబ్‌లో సంచలనాలు నమోదు చేస్తూ టాలీవుడ్‌లో ఆల్‌ టైం రికార్డ్‌ సృష్టించింది. ఈ సినిమాలో మహేష్ బాబుకు జోడీగా పూజా హెగ్డె నటిస్తోంది.