Publisher is the useful and powerful WordPress Newspaper , Magazine and Blog theme with great attention to details, incredible features...

షాపింగ్ ఫెస్టివల్ సీజన్ కు దుబాయ్ రెడీ

0

పర్యాటకులకు  ఈ సీజన్ ఎంతో ప్రత్యేకం. ఓ వైపు క్రిస్మస్ వేడుకలు..మరో వైపు నూతన సంవత్సరానికి  స్వాగత ఏర్పాట్లు. అదీ దుబాయ్ లో అయితే ‘షాపింగ్ ఫెస్టివల్’ సందడి. ఈ సారి కూడా మెగా సందడికి దుబాయ్ షాపింగ్ ఫెస్టివల్ రెడీ అయింది. డిసెంబర్ 26న ప్రారంభం అయ్యే ఈ అతి పెద్ద షాపింగ్ ఫెస్టివల్ 2019 ఫిబ్రవరి 2 వరకూ కొనసాగనుంది. అంటే దాదాపు రెండు నెలల పాటు ఈ సందడి సాగనుందన్న మాట. నిజంగా ఈ సమయంలో దుబాయ్ సందర్శించిన వారికి ప్రత్యేక అనుభూతులు ఖాయం. ప్రపంచ వ్యాప్తంగా పలు దేశాల నుంచి పర్యాటకులు ఈ సమయానికి దుబాయ్ చేరుకుంటారు. షాపింగ్ ప్రేమికులకు అయితే ఇది ఓ స్వర్గథామం అనే చెప్పొచ్చు. షాపింగ్ సమయంలో అదృష్టవంతులు ఖరీదైన బహుమతులు గెలుచుకునేందుకు వీలుగా అక్కడ ఆఫర్లు కూడా ఉంటాయి.

- Advertisement -

షాపింగ్ ఫెస్టివల్ సందర్భంగా గ్లోబల్ విలేజ్ లైవ్ సందర్శనలు…దుబాయ్ ఓపెరా వద్ద నూతన సంవత్సర వేడుకలు ఇలా ఎన్నో ప్రత్యేక ఆకర్షణలు పర్యాటకులు..సందర్శకులకు కనువిందు చేస్తాయి. ఫ్రతి ఏటా ఈ సీజన్ లో లక్షలాది మంది పర్యాటకులు ప్రత్యేకంగా దుబాయ్ పర్యటనకు వస్తారు. వీరి కోసం అక్కడి హోటళ్లు ప్రత్యేక ఏర్పాట్లు కూడా చేస్తాయి. అయితే రెగ్యులర్ సమయంతో పోలిస్తే ఈ సమయంలో విమాన టిక్కెట్లు మొదలుకుని…హోటళ్ళ వ్యయం కూడా కొంత ఎక్కువగానే ఉంటుంది. అయితే క్రిస్మస్…న్యూయర్ హడావుడి ముగిసిన తర్వాత అయితే కొంత అందుబాటులో ధరలతో విమాన టిక్కెట్లు…హోటల్ గదులు దొరికే అవకాశం ఉంటుంది.

 

 

Leave A Reply

Your email address will not be published.