Publisher is the useful and powerful WordPress Newspaper , Magazine and Blog theme with great attention to details, incredible features...

కొండ చిలువ‌తో కాజ‌ల్

0

తెలుగు తెర‌పై ద‌శాబ్దంగా సంద‌డి చేస్తున్న హీరోయిన్ కాజ‌ల్. కాజ‌ల్ కెరీర్ ముగిసిపోయింది అని ప్ర‌చారం అలా జ‌రుగుతూనే ఉంటుంది. ఆమెకు అలా అవ‌కాశాలు వ‌స్తూనే ఉంటాయి. అదే కాజ‌ల్ స్పెషాలిటీ. ఖైదీ నెంబ‌ర్ 150లో చిరంజీవితో క‌ల‌సి సంద‌డి చేసింది ఈ భామ‌. ఈ సినిమా సూప‌ర్ డూప‌ర్ హిట్ కావ‌టంతో కాజ‌ల్ కు కూడా ల‌క్ క‌లిసొచ్చింది. ఓ వైపు సీనియ‌ర్ హీరోల‌తోపాటు..మ‌రో వైపు జూనియ‌ర్ హీరోల‌తోనూ సినిమాలు చేస్తూ టాలీవుడ్ లో ఇంకా త‌న హ‌వా త‌గ్గ‌లేద‌ని నిరూపించ‌కుంటోంది. ప్ర‌స్తుతం ఈ చందమామ హీరోయిన్ బెల్లంకొండ సాయి శ్రీనివాస్‌తో కలిసి ఓ సినిమాలో చేస్తోంది.
తేజ దర్శకత్వంలో తెరకెక్కుతున్న ఈ సినిమా షూటింగ్ ప్ర‌స్తుతం థాయ్‌లాండ్‌లోని నఖోమ్‌ పాథోమ్‌ ప్రావిన్స్‌లో జరుగుతోంది. షూటింగ్ అప్‌డేట్స్‌ను ఎప్పటికప్పుడు సోషల్ మీడియాలో షేర్‌ చేస్తూ సందడి చేస్తున్న చిత్రయూనిట్ తాజాగా ఓ ఆసక్తికర వీడియోను పోస్ట్ చేశారు. హీరోయిన్‌ ఓ భారీ కొండచిలువను మెడలో వేసుకొని కెమెరాకు ఫోజ్‌ ఇస్తున్న వీడియో సోషల్‌మీడియాలో ట్రెండ్ అవుతుంది. దర్శకుడు తేజ తన ఇన్స్‌స్టాగ్రామ్‌ పేజ్‌లో ఈ వీడియోను షేర్‌ చేశాడు.

- Advertisement -

Leave A Reply

Your email address will not be published.