‘డి-కంపెనీ’... వర్మ కొత్త ప్రకటన

అండర్ వరల్డ్ డాన్ దావూద్ ఇబ్రహీంకు సంబంధించిన చరిత్రతో రామ్ గోపాల్ వర్మ కొత్త ప్రాజెక్టు మొదలుపెట్టబోతున్నట్లు ప్రకటించారు. వర్మ చేసినా తాజా సినిమాలు అన్నీ బాక్సాఫీస్ వద్ద బోల్తా కొట్టడంతో ఈసారి వెబ్ సిరీస్ కే పరిమితం కానున్నారు. ఈ వెబ్ సిరీస్ ను డి-కంపెనీ పేరుతోనే తెరకెక్కించనున్నారు. ఇప్పటికే దీనికి సంబంధించిన సమగ్ర సమాచారాన్ని సేకరించానని..మరి కొంత సేకరించే పనిలో ఉన్నట్లు పేర్కొన్నారు.

వర్మ ట్విట్టర్ ద్వారా ఈ విషయాలు అన్నీ షేర్ చేశారు. మొత్తం ఐదు భాగాలుగా ఉండే వెబ్ సిరీస్ బాలీవుడ్ నిర్మాత మధు మంతెనతో కలసి చేయనున్నట్లు తెలిపారు. ఈ సిరీస్ లో 1980ల్లో జరిగిన అల్లర్లు..అందులో దావూద్ పాత్ర వంటి అంశాలు కూడా ఉండబోతున్నాయి. మరి ఈ వెబ్ సిరీస్ ఎంత సంచలనం సృష్టిస్తుందో వేచిచూడాల్సిందే. ఈ మధ్యే పోర్న్ స్టార్ మియా మాల్కోవాతో గాడ్..సెక్స్ అండ్ ట్రూత్ (జీఎస్టీ) పేరుతో ఓ వెబ్ ఫిల్మ్ తీసి పెద్ద వివాదం సృష్టించిన సంగతి తెలిసిందే.