‘రికార్డులు’ సృష్టిస్తున్న రంగస్థలం

రామ్ చరణ్ ‘రంగస్థలం’ సినిమా రికార్డులు సృష్టిస్తోంది. అమెరికాలో గతంలో ఏ రామ్ చరణ్ సినిమా వసూలు చేయనంత మొత్తాలను వసూలు చేస్తూ దూసుకెళుతోంది. సుకుమార్ దర్శకత్వంలో తెరకెక్కిన ఈ సినిమా సంచలనాలు నమోదు చేస్తోంది. ఈ సినిమాలో రామ్ చరణ్ కు జోడీగా సమంత నటించిన సంగతి తెలిసిందే. గత శుక్రవారం నాడు విడుదలైన ఈ సినిమా వంద కోట్ల రూపాయల గ్రాస్ తో రికార్డు క్రియేట్ చేసింది. రామ్ చరణ్ కెరీర్‌ లోనే బిగ్గెస్ట్‌ హిట్స్‌ లో ఒకటిగా నిలిచింది. 1980ల కాలంలో జరిగే కథ తెరకెక్కిన ఈ సినిమాలో చరణ్‌.. చిట్టిబాబు గా అద్భుతమైన నటనతో ఆకట్టుకున్నాడు.

ఎక్కువ థియేటర్లలో విడుదల చేయటం కలెక్షన్లు పెరగటానికి కారణం ఒకటైతే..ప్రారంభం నుంచి సినిమాకు పాజిటివ్ టాక్ రావటం మరొక అంశం. వేసవి సెలవులు కావటం కూడా సినిమాకు కలసి వచ్చింది. దీనికితోడు పెద్ద హీరోల సినిమాలు ఏమీ బరిలో లేవు. ఇప్పటికే వంద కోట్ల కలెక్షన్లు సాధించిన ఈ సినిమా రాబోయే రోజుల్లో మరిన్ని రికార్డులు నమోదు చేసే అవకాశం ఉందని అంటున్నారు.