‘పంచె కట్టె’లో అదరగొట్టిన మహేష్ బాబు

టాలీవుడ్ సూపర్ స్టార్ మహేష్ బాబు పంచె కట్టులో అదరగొట్టాడు. ఉగాది సందర్భంగా అచ్చమైన తెలుగుదనం ఉట్టిపడేలా ‘భరత్ అనే నేను’ సినిమాకు సంబంధించిన లుక్ ను విడుదల చేశారు. ఈ లుక్ ప్రేక్షకులను విశేషంగా ఆకట్టుకుంటోంది. ఈ సినిమాలో మహేష్ బాబు ముఖ్యమంత్రిగా చేస్తున్న సంగతి తెలిసిందే. కొరటాల శివ దర్శకత్వంలో తెరెకెక్కుతున్న ఈ సినిమాపై మహేష్ బాబు అభిమానుల్లో భారీ అంచనాలు ఉన్నాయి.

గత సినిమాలు బ్రహ్మోత్సవం, స్పైడర్ లు పూర్తిగా నిరాశపర్చిన సంగతి తెలిసిందే. కొరటాల శివ, మహేష్ బాబు కాంబినేషన్ లో వచ్చిన ‘శ్రీమంతుడు’ సినిమా సూపర్ హిట్ కావటంతో ఈ సినిమాపై కూడా అభిమానులు భారీ ఆశలు పెట్టుకున్నారు. ఏప్రిల్ 20న ఈ సినిమా ప్రపంచ వ్యాప్తంగా విడుదల కానుంది. ఈ సినిమాలో మహేష్ బాబుకు జోడీగా బాలీవుడ్ భామ కైరా అద్వానీ నటిస్తోంది.