‘రవితేజ’ సినిమాకు రికార్డు రేట్!
సెకండ్ ఇన్నింగ్స్ లో రవితేజ దూసుకెళుతున్నాడు. రాజా ది గ్రేట్ తో పోలిస్తే ‘టచ్ చేసి చూడు’ సినిమా పెద్దగా హిట్ కాకపోయినా రవితేజ క్రేజ్ ఏ మాత్రం తగ్గలేదని తాజా పరిణామాలు నిరూపిస్తున్నాయి. ఎందుకంటే రవితేజ హీరోగా నటిస్తున్న కొత్త సినిమా ‘నేలటికెట్’ సినిమాకు సంబంధించి పలికిన రేటు టాలీవుడ్ లో ఇప్పుడు పెద్ద హాట్ టాపిక్ గా మారింది. నేలటికెట్ సినిమాకు సంబందించిన డిజిటల్, శాటిలైట్, హిందీ డబ్బింగ్ రైట్స్ ను ఓ ప్రముఖ టీవీ ఛానల్ 25 కోట్లకు సొంతం చేసుకున్నట్లు సమాచారం.
ఇంత భారీ ధర చెల్లించేందుకు ఛానల్ ముందుకు రావటం పరిశ్రమలో పెద్ద ఎత్తున చర్చనీయాంశంగా మారింది. నేలటికెట్ సినిమాను సోగ్గాడే చిన్ని నాయనా, రారండోయ్ వేడుక చూద్దాం లాంటి రెండు వరుస విజయాల తరువాత కళ్యాణ్ కృష్ణ ఈ సినిమాను డైరెక్ట్ చేస్తున్నాడు. ప్రస్తుతం షూటింగ్ జరుపుకుంటున్న ఈ సినిమాలో మాళవిక శర్మ హీరోయిన్గా నటిస్తున్న విషయం తెలిసిందే. ఇప్పటికే సినిమాకు సంబంధించిన బిజినెస్ కూడా దాదాపుగా పూర్తయినట్టుగా చిత్రయూనిట్ ప్రకటించారు.