జియో క్యాష్ బ్యాక్ ఆఫ‌ర్

రిల‌య‌న్స్ జియో మ‌రో కొత్త ప్లాన్ తో ముందుకొచ్చింది. ఇప్ప‌టికే న్యూఇయర్‌ కానుకగా రెండు అదిరిపోయే ప్లాన్లను ప్రారంభించిన రిలయన్స్‌ జియో... మరో క్యాష్‌బ్యాక్‌ ఆఫర్ తో ముందుకొచ్చింది. 'సర్‌ప్రైజ్‌ క్యాష్‌బ్యాక్‌' పేరుతో జియో తన కస్టమర్ల కు ఈ ఆఫ‌ర్ అందించ‌నుంది. రూ.399 లేదా ఆపై అన్ని రీఛార్జ్‌లపై రూ.3,300 వరకు క్యాష్‌బ్యాక్‌ ఇవ్వనున్నట్టు ప్ర‌క‌టించింది. అయితే వచ్చే ఏడాది జనవరి 15 వరకు రీఛార్జ్‌ చేసుకున్న కస్టమర్లకు మాత్రమే ఈ సర్‌ప్రైజ్‌ క్యాష్‌బ్యాక్‌ వర్తిస్తుందని కంపెనీ చెబుతోంది. రూ.399 రీఛార్జ్‌పై జియో అందిస్తున్న రూ.2599 క్యాష్‌బ్యాక్‌ ఆఫర్‌కు సోమ‌వారంతోనే గడువు ముగిసింది.

ఈ నేపథ్యంలో మరో క్యాష్‌బ్యాక్‌ ఆఫర్‌తో జియో తన కస్టమర్ల ప్రవేశపెట్టింది.''రూ.399, ఆపై మొత్తాల రీఛార్జ్‌లపై రూ.3,300 వరకు జియో సర్‌ప్రైజ్‌ క్యాష్‌బ్యాక్‌ అందిస్తుంది. ఈ క్యాష్‌బ్యాక్‌ను రూ.400 మైజియో క్యాష్‌బ్యాక్‌ ఓచర్లు, వాలెట్ల నుంచి రూ.300 ఇన్‌స్టాంట్‌ క్యాష్‌బ్యాక్‌ ఓచర్లు, ఈ-కామర్స్‌ ప్లేయర్ల నుంచి రూ.2,600 డిస్కౌంట్‌ ఓచర్ల రూపంలో ఆఫర్‌ చేస్తుంది'' అని కంపెనీ వర్గాలు తెలిపాయి. 2017 డిసెంబర్‌ 26 నుంచి 2018 జనవరి 15 వరకు మధ్యలో చేయించుకున్న అన్ని రీఛార్జ్‌లకు ఈ ఆఫర్‌ వాలిడ్‌లో ఉండనుందని పేర్కొన్నాయి.