‘అఖిల్’కు నాగార్జున ఝలక్

‘హలో’ సినిమా ద్వారా ప్రేక్షకుల ముందుకు వచ్చేందుకు రెడీ అయిన అఖిల్ కు అక్కినేని నాగార్జున చిన్న ఝలక్ ఇచ్చారు. అది ఎలా అంటే..అఖిల్ విడుదల చేద్దామనుకున్న పాట టీజర్ ను నాగార్జునే విడుదల చేశారు. ఆ విషయాన్ని ట్విట్టర్ లో పోస్ట్ చేశారు. ‘సారీ రా అఖిల్. ఇక ఆగలేను. నువ్వు స్పీడ్ అవ్వాలి’ అంటూ వ్యాఖ్యానించారు. బుధవారం ప్రేక్షకులను సర్ ప్రైజ్ చేయనున్నట్లు అఖిల్ ముందే ప్రకటించారు. అయితే ఆ ఛాన్స్ అఖిల్ కు ఇవ్వకుండా నాగార్జునే పూర్తి చేశారు.

‘మెరిసే మెరిసే ’ అనే పాటకు సంబంధించిన టీజర్ ను విడుదల చేశారు. ఇందులో అఖిల్, కళ్యాణి ఓ పెళ్లిలో డ్యాన్స్ చేస్తూ జోష్ లో ఉంటారు. ఈ సినిమా డిసెంబర్ 22 న ప్రేక్షకుల ముందుకు రానుంది. విక్రమ్ కుమార్ దర్శకత్వంలో ఈ సినిమా తెరకెక్కిన విషయం తెలిసిందే. ఈ సినిమాను అన్నపూర్ణ స్టూడియోస్ బ్యానర్ పై నాగార్జున తెరకెక్కించారు.

సాంగ్ టీజర్

https://www.youtube.com/watch?v=dNppXNV7s3A