అదే ఇప్పుడు దెబ్బతీయబోతుందా?!
అదేంటి అంటే ఈ ఎన్నికల్లో కనీసం 35 నుంచి 40 మంది వరకు సిట్టింగ్ అభ్యర్థులను మార్చాలని..లేకపోతే ఇబ్బందులు తప్పవని కెసిఆర్ కు కేటీఆర్ కుండబద్దలు కొట్టినట్లు స్పష్టం చేశారని..అయితే అభ్యర్థుల మార్పుకు కెసిఆర్ నో చెప్పటం వల్లే ఇప్పుడు ఎదురీదాల్సి వస్తోంది అనే చర్చ సాగుతోంది. ఎన్నికలకు ముందు జరిగిన సర్వేలు ...ఎన్నికల తర్వాత బయటకు వస్తున్న విషయాల్లోనూ సిట్టింగ్ ఎమ్మెల్యేలపై ఉన్న వ్యతిరేకత బిఆర్ఎస్ కు అతి పెద్ద మైనస్ గా మారిన అంశాల్లో ఒకటిగా ఒక సీనియర్ మంత్రి స్పష్టం చేశారు. అయితే కెటిఆర్ ప్రతిపాదనను తోసిపుచ్చుతూ కెసిఆర్ చెప్పిన అంశాలపై పార్టీ వర్గాలు ఆశ్చర్యకర అంశాలను వెల్లడించాయి. 35 నుంచి 40 మంది సిట్టింగ్ అభ్యర్థులను మార్చితే..వాళ్ళు ఇతర పార్టీల వైపు వెళతారని..అప్పుడు ఎన్నికలకు ముందే బిఆర్ఎస్ పని అయిపొయింది అనే చర్చతో ఎక్కువ నష్టం జరుగుతుంది అని కెసిఆర్ వాదించినట్లు పార్టీ వర్గాలు తెలిపాయి. అదే సమయంలో గత పదేళ్ల కాలంలో నియోజవర్గాల్లో పాలన అంతా ఎమ్మెల్యే కేంద్రంగా...వాళ్లకు నచ్చినట్లు చేసుకోవటానికి అనుమతి ఇచ్చినందున ...సొంతంగా కూడా వాళ్ళు ఒక్కో చోట 25 నుంచి 30 వేల ఓట్ల వరకూ ప్రభావితం చేయగలరు అని...ఇది అసలు కే మోసం తెస్తుంది అని కెసిఆర్ స్పష్టం చేస్తూ..కెటిఆర్ ప్రతిపాదను నో చెప్పినట్లు విశ్వసనీయ వర్గాలు తెలిపాయి. ఎలా అయినా నష్టం తప్పదని...అందుకే సిట్టింగ్ లను మార్చకుండా ముందుకు వెళితేనే నష్టం తక్కువ ఉంటుంది అని కెసిఆర్ లెక్కలు వేసుకున్నట్లు పార్టీ వర్గాలు వెల్లడించాయి. అయితే సర్వేల్లో వెల్లడవుతున్న విషయాలు మాత్రం అందుకు భిన్నంగా ఉండటం విశేషం.
