హైదరాబాద్ లో మెట్రో సేవలు ప్రారంభం

సుదీర్ఘ విరామం అనంతరం హైదరాబాద్ ప్రజలకు సోమవారం మెట్రో సేవలు అందుబాటులోకి వచ్చాయి. కేంద్రం ప్రకటించిన అన్ లాక్ 4లో భాగంగా మెట్రో సర్వీసులకు గ్రీన్ సిగ్నల్ ఇచ్చిన విషయం తెలిసిందే. తొలి విడతలో భాగంగా ఎల్బీ నగర్-మియాపూర్ రూట్ లో సర్వీసులు మొదలు అయ్యాయి ఉదయం 7 నుంచి 12 గంటల వరకు.. తిరిగి సాయంత్రం 4 నుంచి 9 గంటల వరకు తొలి దశలో సర్వీసులు నడుస్తాయి. మంగళవారం నుంచి నాగోల్‌– రాయదుర్గం రూట్లో మెట్రో సేవలు ప్రారంభమవుతాయి.

బుధవారం నుంచి జేబీఎస్‌– ఎంజీబీఎస్‌ సహా మూడు రూట్లలో 69.2 కి.మీ రూట్లో మెట్రో రైళ్లు పరుగెత్తనున్నాయి. బుధవారం నుంచి ఉదయం 7 నుంచి రాత్రి 9 గంటల వరకు రైళ్లు అందుబాటులోకి రానున్నాయి. లాక్‌డౌన్‌కు ముందు మూడు మార్గాల్లో నిత్యం సుమారు 3.5– 4 లక్షల మంది జర్నీ చేసేవారు. తొలి రోజు చూస్తే ప్రయాణికుల సంఖ్య చాలా పరిమితంగానే ఉందని చెప్పొచ్చు.