Publisher is the useful and powerful WordPress Newspaper , Magazine and Blog theme with great attention to details, incredible features...

చెన్నయ్ టీటీడీ ఆస్తుల విక్రయం..రాజకీయ దుమారం

0

చెన్నయ్ లోని తిరులమ తిరుపతి దేవస్థానం (టీటీడీ) ఆధీనంలో ఉన్న ఆస్తుల అమ్మక నిర్ణయం దుమారం రేపుతోంది. తమిళనాడులో ఉన్న లాభదాయకం కాని..నిర్వహణ సాధ్యం కాని ఆస్తులను అమ్మాలని టీటీడీ బోర్డు ఇప్పటికే నిర్ణయం తీసుకుంది.  ఈ ఆస్తుల విక్రయం ద్వారా వచ్చే మొత్తాన్న టీటీడీ ఖాతాలోనే జమ చేయనున్నారు. బహిరంగ వేలం ద్వారా చెన్నయ్ లో ఉన్న వ్యవసాయ భూములు, ఇళ్ళ స్థలాలు, భవనాలను విక్రయానికి పెట్టారు. ఈ అమ్మకపు జాబితాలో మొత్తం 23 ఆస్తులు ఉన్నాయి. ప్రతి ఆస్తికి కనీస ధర (అప్ సెట్ ప్రైస్) నిర్ణయించి వేలం పెట్టాలని ప్రతిపాదించారు. దీని కోసం టీటీడీ రెండు బృందాలను ఏర్పాటు చేసింది.

- Advertisement -

ఆయా బృందాలే ఆస్తులను విక్రయించి..ఎవరైతే వీటిని కొనుగోలు చేశారో వారిపేరు మీద వీటిని బదలాయించాల్సిన బాధ్యత కూడా ఆ బృందాలదే అని తెలిపారు. అయితే టీటీడీ ఆస్తుల అమ్మకంపై రాజకీయ దుమారం రేగుతోంది. ఈ ఆస్తులను అమ్మటం సరికాదని..ఈ ప్రక్రియను నిలిపివేయాలని బిజెపి రాష్ట్ర అధ్యక్షుడు కన్నా లక్ష్మీనారాయణ డిమాండ్ చేశారు. బిజెపి ఎంపీ టీ జీ వెంకటేష్ కూడా గతంలో కోర్టు తీర్పులు ఉన్నాయని..అయినా సరే ఆస్తుల అమ్మటానికి దిగటం సరికాదన్నారు. టీటీడీ ఈ విషయంలో ముందుకెళితే తాము మళ్ళీ కోర్టులను ఆశ్రయిస్తామని తెలిపారు.

 

 

Leave A Reply

Your email address will not be published.