జులై10 నుంచి ఏపీ పదవ తరగతి పరీక్షలు

కరోనా కారణంగా వాయిదా పడిన పదవ తరగతి పరీక్షలకు సంబంధించి ఏపీ సర్కారు కొత్త షెడ్యూల్ విడుదల చేసింది. అంతే కాదు..పేపర్ల విషయంలో కూడా సర్కారు కీలక నిర్ణయం తీసుకుంది. కరోనా నేపథ్యంలో 11 పేపర్లను 6 పేపర్లకు కుదించింది. భౌతిక దూరం పాటిస్తూ జూలై 10వ తేదీ నుంచి 15 వరకూ పరీక్షలు నిర్వహించనుంది. ప్రతి పేపర్‌కు 100 ​మార్కులు ఉంటాయి. ఈ పరీక్షలకు సంబంధించి తాజాగా హాల్ టిక్కెట్లు జారీ చేయనున్నారు. పదవి తరగతి పరీక్షలకు 2009 పరీక్షా కేంద్రాలను ఏర్పాటు చేస్తోంది. పరీక్షల నిర్వహణ సమయంలో కరోనా వైరస్ వ్యాప్తి నిరోధక చర్యలు తీసుకోనున్నట్లు ప్రభుత్వం తెలిపింది. ఈ పరీక్షలకు మొత్తం 6.39 లక్షల మంది విద్యార్ధులు హాజరు కానున్నారు. ప్రభుత్వం ప్రకటించిన నూతన షెడ్యూల్ వివరాలు ఇలా ఉన్నాయి.

జులై 10న ఫస్ట్ లాంగ్వేజ్(9.30am- 12.45pm)

జులై 11న సెకండ్ లాంగ్వేజ్(9.30am- 12.45pm)

జులై 12న ఇంగ్లీషు(9.30am- 12.45pm)

జులై 13న మ్యాథ్స్‌(9.30am- 12.45pm)

జులై 14న జనరల్ సైన్స్(9.30am- 12.45pm)

జులై 15న సోషల్ స్టడీస్‌(9.30am- 12.45pm)