నిశ్శబ్దంలో ‘అంజలి’ ఫస్ట్ లుక్
తాజాగా అనుష్క ఫస్ట్ లుక్ ను విడుదల చేసిన ‘నిశ్శబ్దం’ చిత్ర యూనిట్ తాజాగా మరో హీరోయిన్ అంజలి లుక్ ను విడుదల చేసింది. ఇందులో అంజలి చాలా పవర్ ఫుల్ లుక్ లో కన్పిస్తున్నారు. అంజలి ఈ మధ్య తెలుగు ప్రేక్షకుల ముందుకు వచ్చి చాలా కాలమే అయింది. ఇఫ్పుడు నిశ్శబ్దంతో రానుంది. నిశ్శబ్దం సినిమా రచయిత కోన వెంకట్ సమర్పణలో టీజీ విశ్వప్రసాద్ నిర్మిస్తున్నారు. ఈ సినిమాకు హేమంత్ మధుకర్ దర్శకత్వం వహిస్తున్నారు. అనుష్కతో పాటు మాధవన్, అంజలి, షాలినీ పాండే లు ఈ సినిమాలో కీలక పాత్ర పోషిస్తున్నారు. నవంబరు 7న అనుష్క పుట్టినరోజు సందర్భంగా టీజర్ను రిలీజ్ చేసేందుకు సిద్ధమైంది చిత్ర యూనిట్.
అమెరికాలోని సియోటెల్ కేంద్రంగా తెరకెక్కుతున్న ఈ సినిమాలో అంజలి పవర్ఫుల్ క్రైం డిటెక్టివ్ ఏజెంట్ మహాగా కనిపించనున్నట్లు చిత్ర యూనిట్ తెలిపింది. ప్రస్తుతం నిర్మాణాంతర కార్యక్రమాలు శరవేగంగా జరుపుకొంటున్న ఈ సినిమాను వచ్చే ఏడాది జనవరి 24న రిలీజ్ చేయనున్నట్లు సమాచారం. అనుష్క ఈ సినిమాలో మూగ చిత్రకారిణి సాక్షి పాత్రలో నటిస్తున్న సంగతి తెలిసిందే. భాగమతి చిత్రం తర్వాత అనుష్క నటిస్తున్న సినిమా కావడంతో ‘నిశ్శబ్ధం’పై భారీ అంచనాలు నెలకొన్నాయి.