Telugu Gateway

విజయ్ మాల్యాకు చేదు అనుభవం

విజయ్ మాల్యాకు చేదు అనుభవం
X

భారత్ లో బ్యాంకులకు వేల కోట్ల రూపాయలు ఎగ్గొట్టి లండన్ లో ఎంజాయ్ చేస్తున్న విజయ్ మాల్యాకు చేదు అనుభవం ఎదురైంది. ఆదివారం నాడు లండన్ లోని ఓవల్ స్టేడియంలో జరిగిన ఇంగ్లాండ్-భారత్ ప్రపంచ కప్ క్రికెట్ మ్యాచ్ వీక్షించేందుకు మాల్యా తన కొడుకుతో కలసి వచ్చాడు. మాల్యాను చూసిన ప్రేక్షకుల్లో కొంత మంది ఆయన్ను చూసి చోర్‌..చోర్‌ (దొంగ..దొంగ)అని అరవడం మొదలుపెట్టారు. దేశానికి క్షమాపణ చెప్పు అంటూ నినాదాలు చేశారు.

నినాదాలు చేస్తున్న వారికి ఏదో సమాధానం ఇచ్చినప్పటి ఈ పరిణామంతో మాల్యా మాత్రం ఖంగుతిన్నారు. ఈ పరిణామంపై విలేకరులు ప్రశ్నించినపుడు తాను మ్యాచ్‌ చూడ్డానికి వచ్చానని, జూలైలో జరగనున్న తదుపరి విచారణకు సంబంధించిన ప్రయత్నాల్లో ఉన్నానని చెప్పారు. ఆస్ట్రేలియాపై ఇండియా విజయం సాధించిన మ్యాచ్‌ను తన కొడుకుతో కలిసి మ్యాచ్‌ చూడటం సంతోషంగా ఉందంటూ ట్వీట్‌ చేశాడు. ఈ సందర్భంగా విరాట్‌ కోహ్లీ నేతృత్వంలోని భారత టీమ్‌కు అభినందనలు తెలిపాడు.

Next Story
Share it