Telugu Gateway
Cinema

రేణూదేశాయ్ కు ‘పవన్ శుభాకాంక్షలు’

రేణూదేశాయ్ కు ‘పవన్ శుభాకాంక్షలు’
X

కొత్త జీవితంలోకి అడుగుపెడుతున్న రేణూ దేశాయ్ కు హీరో పవన్ కళ్యాణ్ శుభాకాంక్షలు తెలిపారు. ట్విట్టర్ వేదికగా ఆయన రేణూ దేశాయ్ కు మంచి జరగాలని..భవిష్యత్ అంతా ఆనందంగా ఉండాలని ఆకాంక్షిస్తూ ట్వీట్ చేశారు. పవన్‌ కళ్యాణ్ తో విడాకులు తీసుకున్న తర్వాత ఆమె ఇటీవలే రెండో వివాహం చేసుకోవాలని నిర్ణయించుకున్న విషయం తెలిసిందే. ఈ విషయాన్ని కూడా ఏ మాత్రం దాచకుండా ఆమె సోషల్ మీడియాలో షేర్ చేశారు కూడా. అందుకు అనుగుణంగానే ఆమె నిశ్చితార్ధం కూడా ఇటీవలే జరిగింది. ఈ ఫోటోలు సోషల్ మీడియాలో వైరల్ అయ్యాయి. అయితే కొంత మంది పవన్ కళ్యాణ్ అభిమానులు మాత్రం రేణూ దేశాయ్ రెండో పెళ్లి చేసుకుంటే ఆమెను చంపేస్తామంటూ హెచ్చరికలు జారీ చేశారు.

ఈ విషయాన్ని తాజాగా ఓ ఆంగ్ల పత్రిక ప్రముఖంగా ప్రచురించింది. అయితే ఇలాంటి బెదిరింపులను ఖండించకుండా పవన్ కళ్యాణ్ రేణూ దేశాయ్ ను ఉద్దేశించి చేసిన ట్వీట్ ఇది. ‘మిస్‌ రేణూగారు.. కొత్త జీవితంలోని అడుగుపెడుతున్న మీకు నా హృదయపూర్వక అభినందనలు. మీరు ఆరోగ్యంగా ఉండాలని, మీకు శాంతి, శ్రేయస్సు కలగాలని కోరుకుంటున్నాను’ అని పేర్కొన్నారు. మరి పవన్ కళ్యాణ్ తాజా ట్వీట్ తో అయినా ఆయన అభిమానులను రేణూ దేశాయ్ ను బెదిరించటం ఆపేస్తారో లేదో వేచిచూడాల్సిందే.

Next Story
Share it