కాలా….సింగిల్ వచ్చేసింది

రజనీ అభిమానులు ఎప్పుడెప్పుడా అని ఎదురుచూస్తున్న కాలా పాటలు వస్తున్నాయి. ‘యమ గ్రేట్..యమ గ్రేట్..భయం ఎరుగని..వన్నె తరగని, ఎంత ఎదిగినా ఒదిగి ఉండే వాడు…నలుపే మన శ్రమ జీవుల వర్ణం అంటూ’ సాగే ఈ పాట అభిమానుల్లో ఊపు తేవటం ఖాయంగా కన్పిస్తోంది. మంగళవారం సాయంత్రం ఈ పాటను చిత్ర యూనిట్ విడుదల చేసింది. ఈ ఒక్క పాటలోనే సినిమా ఎలా ఉంటుందో చూపించేశారు. రజనీ కాలాగా ఎంత పవర్‌ఫుల్‌గా ఉన్నారో ఈ పాటను వింటే తెలుస్తోంది.

ధారావి ప్రాంతంలో కాలాకు ఉండే పలుకుబడి ఏంటో అర్థమవుతోంది. ఈ పాటను హరిహరసుదన్‌, సంతోష్‌ నారాయణ్‌ ఆలపించగా…సంతోష్‌ నారాయణ్‌ సంగీతాన్ని సమకూర్చారు. ఈ లిరికల్‌ వీడియో సాంగ్‌ అదిరిపోయింది. ఇక ఈ పాటతో కాలా విడుదలయ్యే వరకు అభిమానులు పండగ చేసుకోవడం ఖాయం. కాలా జూన్‌ 7న ప్రపంచవ్యాప్తంగా విడుదల కానుంది.