ఎన్టీఆర్ ఫస్టు లుక్ వచ్చేసింది

పుట్టిన రోజు సందర్భంగా ఎన్టీఆర్ తన కొత్త సినిమాకు సంబంధించి ‘ఫస్ట్ లుక్’ను అభిమానులకు కానుకగా అందజేశారు. అంతే కాదు..సినిమా టైటిల్ ను కూడా ప్రకటించింది చిత్ర యూనిట్. ఎన్టీఆర్ గత సినిమాలకు భిన్నంగా ఈ సినిమా టైటిల్ ను ఖరారు చేశారు. అదే ‘అరవింద సమేత వీరరాఘవ’. త్రివిక్రమ్ శ్రీనివాస్ దర్శకత్వంలో ఈ సినిమా తెరకెక్కుతున్న విషయం తెలిసిందే. దీని కోసం ఎన్టీఆర్ భారీ ఎత్తున కృషి చేయాల్సి వచ్చింది.

విదేశీ ట్రైనర్ నేతృత్వంలో ఎన్టీఆర్ కసరత్తులు చేసి సిక్స్ ప్యాక్ బాడీతో రెడీ అయ్యారు. ఈ కష్టం ఫస్ట్ లుక్ లో స్పష్టంగా కనపడుతోంది. చొక్కా లేకుండా...రక్తం అంటిన ప్యాంట్ తో కత్తిపట్టుకుని వస్తున్న స్టిల్ ను చిత్ర యూనిట్ విడుదల చేసింది. మే 20 ఎన్టీఆర్ పుట్టిన రోజు అన్న సంగతి తెలిసిందే. ఈ కొత్త లుక్ తో ఎన్టీఆర్ ఫ్యాన్స్ కుషీ చేసుకోవటం ఖాయం.