రజనీ 2.ఓ సినిమాకు షాక్

వాయిదాల మీద వాయిదా పడుతూ వస్తున్న రజనీకాంత్ ప్రతిష్టాత్మక చిత్రం 2.ఓకు ఊహించని షాక్. రజనీ అభిమానులు ఎప్పుడెప్పుడా అని ఎదురుచూస్తున్న ఈ సినిమా టీజర్ లీక్ అయింది. దీంతో చిత్ర యూనిట్  షాక్ కు గురైంది. శంకర్..రజనీకాంత్ కాంబినేషన్ అంటే అంచనాలు ఎలా ఉంటాయో అందరికీ తెలిసిందే. భారీ హైప్‌ క్రియేట్‌ చేసిన ఈ సినిమా టీజర్ అధికారికంగా విడుదల కాకముందే సోషల్ మీడియాలో హల్‌చల్‌ చేస్తోంది. విదేశాల్లో ప్రదర్శించిన సమయంలో ఎవరో మొబైల్‌ ఫోన్‌లో రికార్డ్‌ చేసిన సోషల్‌ మీడియాలో పోస్ట్ చేసినట్టుగా సమాచారం.

ఈ లీక్‌ పై స‍్పందించిన చిత్రయూనిట్ తాము టీజర్‌ అధికారికంగా రిలీజ్‌ చేయలేదని ప్రకటించారు. రోబో సినిమాకు సీక్వల్‌ గా తెరకెక్కుతున్న 2.ఓను భారీ బడ్జెట్‌తో ప్రతిష్టాత్మకంగా తెరకెక్కిస్తున్న విషయం తెలిసిందే. బాలీవుడ్ స్టార్ హీరో అక్షయ్‌ కుమార్ నెగెటివ్‌ రోల్‌లో నటిస్తున్నారు. టీజర్ లీక్ చిత్ర యూనిట్ ను తీవ్ర ఇబ్బందికి గురిచేస్తోంది.