Telugu Gateway
Cinema

రెజీనాకు సూపర్ ఛాన్స్

రెజీనాకు సూపర్ ఛాన్స్
X

రెజీనా ఒక్క సినిమాతో సూపర్ ఛాన్స్ కొట్టేసింది. ఇంత వరకూ టాలీవుడ్ లో గ్లామర్ రోల్స్ కే పరిమితం అయిన ఈ భామ ‘అ!’ సినిమాతో బాలీవుడ్ లో ఎంట్రీకి మార్గం సుగమం చేసుకుంది. గత సినిమాలకు భిన్నంగా రెజీనా వెరైటీ క్యారెక్టర్ తో ప్రేక్షకులను ఆకట్టుకున్నది. అ సినిమాలో రెజీనా క్యారెక్టర్ కు మంచి మార్కులే పడ్డాయి. ఈ సినిమాలో డిఫరెంట్ లుక్ లో కన్పించటంతోపాటు నటనలోనూ రెజీనా మంచి మార్కులు కొట్టేసింది. ఇప్పుడు ఈ భామ బాలీవుడ్ లో సోనమ్ కపూర్, రాజ్ కుమార్ రావు నటిస్తున్న చిత్రం ‘ఎక్ లడికీ కో దేఖా తో ఐసా లాగా’ సినిమాలో రెజీనా ఛాన్స్ కొట్టేసింది.

ఈ సినిమా దర్శకత్వం షెల్లీ ధార్ దర్శకత్వంలో తెరకెక్కుతోంది. బాలీవుడ్ లో ఎంతో పేరున్న విధు వినోద్ చోప్రా ఈ చిత్రానికి నిర్మాతగా వ్యవహరిస్తున్నారు. ఇతర కీలక పాత్రల్లో అనిల్ కపూర్, జూహి చావ్లా నటిస్తున్నారు. హీరో నాని నిర్మాతగామారి తెరకెక్కించిన తొలి సినిమా అ. ఈ సినిమాలో రెజీనా మాదకద్రవ్యాలకు అలవాటుపడిన యువతిగా నటించి..ప్రేక్షకుల దగ్గర మంచి ప్రశంసలు దక్కించుకుంది. ఈ సినిమా క్యారెక్టరే ఆమెకు బాలీవుడ్ ఎంట్రీకి కారణం అయిందని ప్రచారం జరుగుతోంది.

Next Story
Share it