బాలీవుడ్ లోకి ఎంట్రీ ఇచ్చిన ప్రియా వారియర్

ఒక్క కన్ను గీటుతో దేశాన్ని ఊపేసిన అమ్మాయి ‘ప్రియా వారియర్’. ప్రియా వారియర్ పేరు చెప్పగానే ఎవరికైనా గుర్తుకొచ్చేది ఆ కన్ను గీటుడు సీనే. ఈ కుర్ర అమ్మాయి తొలి సినిమా ఇంకా విడుదల కాక ముందే ఏకంగా బాలీవుడ్ లోకి అడుగుపెట్టేసింది ఈ అమ్మడు. ఆమె ‘శ్రీదేవి బంగ్లా’ పేరుతో తెరకెక్కిస్తున్న సినిమాలో నటిస్తోంది. ఈ సినిమా షూటింగ్ ఇప్పుడు లండన్ లో జరుగుతోంది. ప్రశాంత్ మాంబుల్లి ఈ సినిమా దర్శకుడుగా ఉన్నారు. సుమారు 70 కోట్ల రూపాయల అంచనా వ్యయంతో తెరకెక్కిస్తున్న ఈ సినిమాలో ప్రభుదేవా కూడా నటిస్తున్నట్లు చెబుతున్నారు.

ఇప్పటికే పలు యాడ్స్ లో ప్రియా వారియర్ ఛాన్స్ లు దక్కించుకున్న సంగతి తెలిసిందే. మరి బాలీవుడ్ లో ఈ భామ ఎంట్రీ ఎలా ఉంటుందో వేచిచూడాల్సిందే. ఇప్పుడు యూత్ లో ప్రియాపై ఉన్న క్రేజ్ అంతా ఇంతా కాదు. ఇప్పటికే టాలీవుడ్ కు చెందిన నిర్మాతలు కూడా ప్రియా సంప్రదించినట్లు సమాచారం. అయినా ఇంత వరకూ ఏమీ ఫైనల్ కాలేదు.