నితిన్ జోడీగా రష్మిక!

రష్మిక మందన. టాలీవుడ్ లో వరస పెట్టి హిట్లు అందుకుంటూ ముందుకు సాగుతున్నారు. ఇప్పటికే ఆమె నటించిన ఛలో, గీత గోవిందం సినిమాలు సూపర్ హిట్ అయ్యాయి. మరో సినిమా దేవదాస్ లోనూ రష్మిక తన అదృష్టాన్ని పరీక్షించుకోనున్నారు. ఈ సినిమా సెప్టెంబర్ 27న విడుదల కాబోతోంది. రష్మిక చేసిన సినిమాలు అన్నీ వరస హిట్లు అవుతుండటంతో ఆమెకు అవకాశాలు కూడా అలాగే వస్తున్నాయి. టాలీవుడ్ ఎప్పుడైనా హిట్స్ ఉన్న వారివైపే చూస్తుంది.

అందులో భాగంగానే ఈ అమ్మడికి నితిన్ తో కలసి ప్రాజెక్టు వచ్చినట్లు సమాచారం. ఈ సినిమా వెంకీ కుడుముల దర్శకత్వంలో తెరకెక్కనుంది. వచ్చే నెలలో ఈ సినిమా షూటింగ్ ప్రారంభం కానుంది. ఛలోతో మంచి హిట్ అందుకున్న వెంకీ కుడుముల మరో సరదా కథతో నితిన్ పై సినిమాను తెరకెక్కించనున్నారు.