Telugu Gateway
Cinema

సంక్రాంతి బరిలో రామ్ చరణ్

సంక్రాంతి బరిలో రామ్ చరణ్
X

సంక్రాంతి సీజన్ అంటే సినిమాలకూ సందడే. ప్రతిసారి ఈ సీజన్ లో అగ్రహీరోల సినిమాలు కూడా పందెం కోళ్ల తరహాలో పోటీపడతాయి. ఈ సారి మెగా హీరో రామ్ చరణ్ సంక్రాంతి బరిలో నిలవనున్నాడు. ఈ విషయాన్ని చిత్ర యూనిట్ అధికారికంగా ప్రకటించింది. రామ్ చరణ్, కైరా అద్వానీ జంటగా నటిస్తున్న ఈ సినిమా వచ్చే సంక్రాంతికి విడుదల కానుంది. ఈ సినిమాకు బోయపాటి శ్రీను దర్శకత్వం వహిస్తున్న విషయం తెలిసిందే. భారీ చిత్రాల నిర్మాణ సంస్థ డీవీవీ ఎంటర్ టైన్ మెంట్స్ దానయ్య ఈ సినిమాకు నిర్మాతగా వ్యవహరిస్తున్నారు.

ఈ చిత్రంలో వివేక్ ​ ఒబేరాయ్‌ విలన్‌ రోల్‌లో నటిస్తుండగా, తమిళ నటుడు ప్రశాంత్‌ ఓ కీలక పాత్రలో కనిపించబోతున్నారు. తొలుత ఈ చిత్రం దసరాకే విడుదల చేయాలని నిర్ణయించినా..జాప్యం కానుంది. ప్రతి ఏటా సంక్రాంతి సీజన్ లో బాలకృష్ణ బరిలో ఉంటారు. మరి ఈ సారి కూడా ఆయన ఎన్టీఆర్ బయోపిక్ ను సంక్రాంతికే విడుదల చేస్తారా? లేక అంత కంటే ముందే వస్తారా? అన్నది వేచిచూడాల్సిందే.

Next Story
Share it