ప్రభాస్ కు జోడీగా పూజా హెగ్డే

పూజా హెగ్డే టాలీవుడ్ లో వరస పెట్టి అవకాశాలు దక్కించుకుంటోంది. అంతే కాదు..టాప్ హీరోల పక్కన ఛాన్స్ లు కొట్టేస్తోంది. ఇప్పటికే త్రివిక్రమ్, ఎన్టీఆర్ కాంబినేషన్ లో తెరకెక్కనున్న సినిమాలో ఈ భామను ఫైనల్ చేశారు. ఇప్పుడు బాహుబలి హీరో ప్రభాస్ తో జోడీకట్టే ఛాన్స్ కొట్టేసింది ఈ భామ. అయితే అది ఏ సినిమా అంటారా?. సాహో తర్వాత ప్రభాస్ నటించబోయే సినిమాలో ఈ భామను ఎంపిక చేశారు. ఈ విషయాన్ని స్వయంగా పూజా హెగ్డేనే తెలిపింది.

ప్రభాస్ సాహో తర్వాత జిల్‌ ఫేమ్‌ రాధాకృష్ణ డైరెక్షన్‌లోనే కొత్త చిత్రం చేయనున్నారు. ఈ విషయాన్ని కూడా పూజానే ఓ ఇంటర్వూలో వెల్లడించారు. తాను ఆ చిత్రంలో ప్రభాస్‌ సరసన తాను నటించబోతున్నట్లు పూజ తెలిపింది. రొమాంటిక్‌ ఎంటర్‌ టైనర్‌గా ఆ చిత్రం ఉండబోతుందని పూజా పేర్కొన్నారు. వేసవిలో ఈ కొత్త సినిమా ప్రారంభం అయ్యే అవకాశం ఉన్నట్లు సమాచారం.