పెళ్లిపై క్లారిటీ ఇచ్చిన కాజల్

కాజల్ తేల్చేశారు. పెళ్లిపై అభిమానులకు క్లారిటీ ఇచ్చేశారు. ఇంకా తాను చేయాల్సిన సినిమాలు చాలా ఉన్నాయని..కొన్ని సంవత్సరాల్లో సినిమాలు చేసి తర్వాతే పెళ్లి గురించి ఆలోచిస్తానని తేల్చిచెప్పారు. నిజాయతీపరుడు, మంచి స్నేహితుడు దొరికినప్పుడే పెళ్ళి గురించి ఆలోచిస్తానని చెప్పింది ఈ భామ. ఈ భామ పనిపోయిందని సినిమాల్లో ఛాన్స్ లే దక్కటంలేదని తొలుత ప్రచారం జరిగింది.

అయినా సరే కాజల్ ఏ మాత్రం వెనకడుగు వేయలేదు. ఖైదీ నెంబర్ 150 సినిమా దగ్గర నుంచి ఈ భామకు అటు తెలుగు..ఇటు తమిళ సినిమాల్లోనూ అవకాశాలు బాగానే వస్తున్నాయి. సో..కాజల్ హవా మరికొంత కాలం కొనసాగటం ఖాయంగానే కన్పిస్తోంది. ఈ ఏడాది కాజల్ సినిమాలు మంచి విజయాన్నే దక్కించుకున్నాయి. ముఖ్యంగా వివేగం, మెర్సల్ సినిమాల్లో ఆమె హీరోయిన్ గా చేసిన సంగతి తెలిసిందే.